[EGITARAUA]: Luis Urrengoetxea kalea jai giroan murgilduta

19:00etan igel txapelketa egingo dute, eta ordu erdi geroago karaoke ibiltaria egingo dute. Eguna borobiltzeko, Gu eta Gitarrak taldeak kontzertua emango du Euskal Herria enparantzan, 22:30ean.

Zapatuan goizetik hasiko dituzte ospakizunak. Udabarri dantza taldearen emanaldia 12:00etan egongo da, eta, ondoren, sukalki lehiaketa egingo dute. Gotx elektrotxaranga arduratuko da bazkalostea alaitzeaz; 18:00etan irtengo dira kalejiran, Lopena tabernatik. Gauean kontzertuak egongo dira Zelaieta parkeko karpan. Moonshine Wagon eta Manifa taldeek joko dute.

Desafioa
Jaiei amaiera emateko, ohiko beste ekitaldi bat egingo dute: giza proba. 12:30ean hasiko da, Harriti eta Lutaber emakumezkoen taldeen arteko desafioagaz. Ondoren, Gaztedi Barria txarangak alaituko du giroa musikagaz. Festak 15:00ak arte iraungo du. Aurten, zozketa eginda amaituko dituzte Luis Urrengoetxea kaleko jaiak. Antolatzaileek gogoratu dute ekitaldiek aldaketak izan ditzaketela euria eginez gero.

• 19:00etan, jaien hasiera.
• 19:00-22:00, pintxo potea tabernetan.
• 19:00etan, Lopenan hasita, triki kantu dantza soinutxikiagaz.
• 20:00etan, Zornotzako otxotea, Antxetan hasita. 

• 19:00etan, igel txapelketa (Izen ematea Far-farreko arkupean).
• 19:30ean, karaoke ibiltaria, Lopenan hasita. 
• 22:30ean, Gu eta gitarrak kontzertua, Euskal Herria enparantzan.

• 12:00etan, Udaberri dantza taldea tabernetan, Lopenan hasita.
• 14:30ean, sukalkiaren entrega.
• 15:00etan, sari banaketa. 
• 18:00etan, Gotx elektrotxaraga tabernetan, Lopenan hasita.
• 21:30ean Moonshine Wagon eta Manifa taldeen kontzertuak, Zelaieta parkean egongo den karpan. 

• 12:30ean, 'Giza proba: Desafiyoa Harriti neska proba taldea VS Lutaber'
• 13:30ean, Gaztedi barria fanfarria, Euskal Herria enparantzan.
• 15:00etan, Lutaber errifaren zozketa.