Auzotarren bizimodua hobetuko dute lanek Susana Garcia Chueca Mugikortasun jasangarriaren sailburuaren berbetan. "Seguruagoa izango da igarobidea orain. Segurtasuna eta erosotasuna lehentasuna dira Jaurlaritzarentzako. Ezin ditugu bete barik utzi landa eremuetako bizilagunen eskakizunak". Prentsagaz egindako bisitan sailburuak ez ezik, Miguel Angel Paez sailburuordeak, Antonio Lopez ETSko zuzendari nagusiak eta Anartz Gandiaga Zornotzako lehen alkateordeak parte hartu dute. Sailburuaren arabera, "laster" egongo da erabilgarri igarobide berria.
2020-2025 tartean, ETSk 16 trenbide pasagune kendu dituela azpimarratu dute prentsaurrekoan, horietako hamar Bizkaian; hain zuzen ere, duela hilabete batzuk Euban antzerako prozesua burutu zuten.