Udalak aginduta, ikerketa geoteknikoa egin dute kalteen tamaina neurtu, eta bidearen segurtasuna eta egituraren egonkortasuna bermatzeko plan bat diseinatzeko. "San Migel kalearen azpitik igarotzen den San Martin errekaren igarolekua konpontzea planteatzen da irtenbide bezala; horretarako, uraren igarobidea zabalduko da, eta horrez gainera, lanak erraztuko dituen egitura aurrefabrikatu bat jarriko da. Honek uraren drainatua hobetuko du, eta etorkizuneko hondoratzeak eragotziko ditu, egitura berria gogorragoa eta iraunkorragoa delako", azaldu du Zornotzako Udalak ohar baten bidez.
Udalaren arabera, behin lan teknikoak amaituta, egitura berria jartzeko indusketa lanei ekingo diete; urak behin-behineko desbideratuko dituztela eta hondoratzearen eraginez mugitutako espazioak beteko dituztela azaldu du ohar berean. "Lan horiek modu koordinatuan egingo dira, herritarrei ahalik eta eragozpen txikienak eragiteko, betiere errepidea berriro ere segurtasun eta egonkortasun berme handienekin berriro erabili ahal izateko helburuarekin", gehitu dute. Horrez gainera, zornotzarrei dei egin die udalak segurtasun seinaleak eta perimetroa errespetatzeko.