19:30ean ekingo diote, Venecia tabernatik. Antolatzaileek banaturiko esku-liburuak eskuetan hartuta, iluntzeko poteoa alaituko dute, kantuan. Aurten, berezitasun legez, hiru zuzendarik parte hartuko dutela azaldu dute antolatzaileek. "Zuzendari batek zuzenduko du, eta besteok abestu egingo dugu", azaldu dute antolatzaileek. 19:30ean hasita, ordu eta erdian abestuko dute. "21:00-21:15 aldera amaituko dugula uste dugu, eta sei bat geldiune egingo ditugula aurreikusten dugu", argitu dute. Hogei bat abesti abestuko dituzte, eta esku-liburuak lagun izango dituzten arren, abestirik gehienak ezagunak izateak errazago egingo du. "Besteak beste, Erribera, Txikia, Aitormena, Lepoan hartu, Furra furra, Ikusi mendizaleak eta Aldapeko abestuko ditugu, ezagun-ezagunak guztiak", gaineratu dute.
'Zornotzan kantuz'-en edizio berri bat, maiatzaren 30ean
Zornotzan kantuz herri ekimenaren edizio berri bat egingo dute barikuan, hilak 30; laugarrena, hain zuzen ere. Ekimen honi eskerrak, Zornotzako kaleetan zehar euskal kantak entzungo dira.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!