Maiatzaren 15etik 25era bitartean egingo dute Euskaraldiaren laugarren edizioa. Aurten, lehenengoz, udaberrian egingo da. Hori ez da izango edizio honetako berritasun bakarra. Hain zuzen ere, hainbat herritarrek Hikaldia ekimena ere sortu dute egun horietarako; Zornotzan, herriko hitanoa berreskuratu eta lantzeko asmoagaz, 25 lagun inguruk osatzen duten taldea sortu dute horretarako. Zornotzako Udalak eskuorri bat banatu du etxez etxe, ekimenaren berri emateko.
Horrela, hiru txapak batzeko ordutegia hau izango da:
- Maiatzak 5: 17:30-19:30 Zelaieta parkean
- Maiatzak 6-13: 08:30-21:00 Zelaieta zentroko harreran
- Maiatzak 14: 17:30-19:30 Zelaieta parkean
- Maiatzak 15: 18:00-19:00 Zubiondo plazan.