Zornotzako Igurco Orue erresidentzia bisitatu du Pepe Rodriguez sukaldari espainiar entzutetsuak, bertan eginiko ekitaldi batean parte hartzeko. Pintxo lehiaketako epailea izan da, hain zuzen ere. Ekitaldian erresidentziako nagusiek, senideek eta Lauaxeta Ikastolako ikasleek parte hartu dute; Ainhoa Salterain Zornotzako alkatea eta Sonia Cabeza Gizarte ekintzako zinegotzia ere bertaratu dira.
Barikuko ekimenean, parte hartzaileek pintxo bat egin behar izan zuten, aurretik osagaiak zeintzuk izango ziren jakin barik. "Jardunaldi honi emozio pixkat eman gura genion, eta horretarako parte hartzaileek zorrotzak eta irudimentsuak izan behar izan dute", azaldu zuen Rakel Llamosas Igurcoko zuzendariak.
