Akelarre arabera, martxoaren 15eko gauean "mutil talde batek" Zornotzako LGTB komunitateko herritar bati eraso egin zion. Plataformaren arabera, erasoa ez da gisa horretako lehenengoa. "Faxismoak etengabe babesten du gizontasun hegemonikoa eta eurak eta euren jarrerak babesteak zilegitasuna ematen dio gure komunitatearen aurkako biolentziari", azaldu dute ohar baten bidez. Erasoa salatzeko, elkarretaratzea egingo dute zapatu eguerdian, eta "erasoen aurrean antolatzeko" deia egin dute. "Homofoboa, transfoboa, arrazista, xenofoboa eta oro har zapaltzailea den faxismoari aurre egingo diogu. Eraso homofoboa irmoki gaitzesten dugu", esan du Akelarre plataformak. "Ez gatoz errespetu eske, amorru hau guztia antolatu eta askatasuna exijitzera baizik", gaineratu dute.
Eraso homofoboa salatzeko, elkarretaratzera deitu dute Zornotzan
Akelarre plataforma transmararikabibolloak joan zen Gazte Egunean eraso homofobo bat gertatu zela salatu du ohar baten bidez. Eraso horri erantzuteko, protesta egingo dute zapatuan, martxoak 22, Erreferendum plazan, 13:00etan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!