Zornotzako udalak aparkaleku berri bat egingo du Eubako pasabide ondoan. Espazioak 506,81 m²-ko azalera du eta erabilera publikoa izango du datozen 50 urteetan, Euskal Trenbide Sarea (ETS) erakundeak udalari egindako lagapenari esker.
Udalaren helburua inguruko aparkaleku-beharrak "arintzea" eta herriguneko mugikortasuna "hobetzea" da, espazio hori "segurtasunez" erabiltzeko, ohar batean azaldu duenez.
Hitzarmenaren arabera, Udalak bere gain hartuko ditu aparkalekuaren mantentze lanak, kontserbazioa eta segurtasuna. Gainera, aparkalekua doakoa eta publikoa izango da.