Udal araudia indarrean dagoen legedira egokitzeko asmoagaz onartu dute ordenantza berria. "Bide publikoen erabiltzaile guztien bizikidetza eta segurtasuna bermatu gura dugu, bai oinezkoena, bai txirrindulariena, baita ibilgailu tradizionalena (autoak, furgonetak, kamioiak), eta garraiobide berriena ere, adibidez, patinete elekrikoak", azaldu du Ainhoa Salterain Zornotzako alkateak.
Era berean, ordenantzak bizikleten zirkulazioa ere erregulatzen du (15 urtetik beherakoak salbuespena izango dira). Oinezko eta bizikleta erabiltzaileen arteko bizikidetza sustatuko dute. "Monopatinen eta patinen erabilera ere arautu da, haien zirkulazioa galtzadetara mugatuz, soilik egokitutako eremuetan. Espaloietan, berriz, pertsonen erritmoan ibili beharko genuke, gorabeherak eta segurtasun arazoak sahiesteko".