Matxura baten ondorioz, auto bateko atoiak su hartu du AP-8an, Zornotza inguruan. Gertaera Bilborako noranzkoan gertatu da, 18:30 inguruan. Minutu batzuetan autopista itxita egon da noranzko horretan, Iurretako bidesaritik bertatik. Hiru kilometro inguruko auto ilarak egon dira. Une honetan ezkerreko erreia ireki dute. Oraindik auto ilarak daude eta trafikoa astiro doa.
Gertaerak ez du zauriturik eragin, Ertzaintzako iturrien arabera.