Jendetza batu da udaletxe parean Larrea ikastetxeko kideekin batera Zornotzako jaiei hasiera emateko asmoz. Hain zuzen ere, 50. urteurren ospakizuna borobildu dute ikastetxeko kideek pregoia irakurrita. Hezkuntza publikoaren aldeko mezua irakurri dute, eta emakumeek bizi duten egoera ere gogoratu gura izan dute. "Txosnetan, tabernetan, kalean, lasaitasunez, eroso eta segurtasunez ibiltzeko eskubidea dugu, eta gero joko duen Gatibuk dioen bezala, Nahi dogunien, nahi doguleko, aske bizi!", irakurri dute txalo artean.
Hezkuntza komunitateko kide ugari igo dira balkoira, baita ikasleak ere. "Larreako ikasle batzuk igo gara balkoira, baina badakigu plazan batutako asko igaro direla bertatik. Zornotzar guztiek jaiez gozatzea gura dugu".
Ostean kalejira egin dute Zorhontzagaz, erraldoiekin eta musika bandagaz, besteak beste.
![[EGITARAUA] Zornotzako jaietako egitaraua](https://anboto.tok-md.com/argazkiak/SpA/cache/Zornotza_jaiak_tokikom_735x413.jpeg)