Emakumeen txapelketan Enara Gamindek eta Goiuri Zabaletak neurtuko dituzte indarrak. Joan zen asteburuko finalerdiak mamigabeak izan ziren. Batean, Gamindek erraz hartu zuen mendean Olatz Beitia: 22-4. Bestean, partidua bertan behera geratu zen hasi eta lasterrera, Aizane Ibarrolak harturiko kolpe baten ondorioz.
22 urtez azpikoan Xabier Apaolazak Xabier Rekalderen aurka jokatuko du. Finalerdietan Apaolazak 22-17 kanporatu zuen Ekhi Irribaria, eta Rekaldek 22-19 Oihan Etxebarria. Azkenik, gazte mailako finala Oier Ibarluzearen eta Mikel Leoneten artekoa da finalerdietan, Harkaitz Murua eta Unax Ramirez kanporatuta, hurrenez hurren.