Zornoza Elkarte Artistiko-kulturalak, Gregorio Arrien ekimenari esker, beste behin In memorian ekitaldia antolatu du maiatzaren 18an. Hain zuzen ere, historialariek 1937ko maiatzaren 18a ezarri zuten tropa frankistek Amorebieta eta Etxano modu eraginkorrean hartu zuteneko data gisa. Ekitaldian Zornotzako hainbat elkartek parte hartu dute.
Ekitaldian hiru belaunaldiren oroimena irudikatu zuten: ondorioak zuzenean jasan zituztenena, bizitakoaren zeharkako ezagutza izan zutenena eta azken gerra zibilaren berri izan dutenena, urruneko zerbait bezala ikusi arren. Ekitaldia aprobetxatuta, Zornotzako hilerrian egin ari diren prospekzio lanen berri eman zuten elkarteko kideek.