Aste honetan hasi dira Zornotzako hilerrian bigarren faseko desobiratze lanekin eta gutxienez beste 14 gorpuzki aurkitu dituzte. Lehenengo fasean, abenduan egindakoan, 54 pertsonaren gorpuzkiak berreskuratu zituzten.
Gorpuak lurpetik ateratzeko lanen ondoren eta identifikazio prozesuari bide emateko, iazko abendutik, Gogora Institutua inguru horretan desagertutakoen 35 familiarekin harremanetan jarri da, eta dagoneko horietako 17ren DNA lagina lortu dutela jakitera eman dute.