Beraz, puntu premian bisitatuko du Cartagenaren zelaia, zapatu arratsaldean. Talde murtziarra ere ez dabil askoz hobeto, Amorebieta baino postu bat gorago sailkapenean, azken-aurreko tokian.
Amorebietako arduradunek hiru jokalari fitxatu dituzte zulotik irteten ahalegintzeko: Iker Unzueta, Unai Bustintza eta Angel Troncho. Unzueta aurrelari abadiñarra Portugalgo Vizela taldetik dator, utzita, eta bigarrenez jantziko du elastiko urdina. 2020tik 2022ra ere aritu zen Amorebietan.