Zornotzako Udalak Zelaieta Zentroko ordutegia luzatzea erabaki du domeketan. Urtarrilaren 21ean eta 28an egongo da ordutegi berezia, 10:00etatik 14:00etara eta 16:00etatik 20:00etara. Herritarren beharrizanei erantzuteko ekimenaren parte da, azterketa garaian dauden ikasleei laguntzeko.
Gainerakoan, zentroak ohiko ordutegia izaten jarraituko du. Astelehenetik barikura, 08:30etik 21:30era, zapatuetan, 10:00etatik 14:00etara eta 16:00etatik 20:00etara eta domeketan, 16:00etatik 20:00etara.
Bestalde, udalak gogoratu du Konbenio kaleko ikasgela ohi bezala dagoela erabilgarri, astelehenetik domekara, 08:00etatik 00:00etara.