"Euskal ahozko mito-ipuinak aztertu ditut, eta lurpeko eremuarekin duten lotura azaldu dut. Mitoa jainkozkoaren edota traszendentziaren narraziotzat hartuz, ahozko ondaretik dimentsio mitikodun testuak batu eta aztertu ditut, horiekin antologia osatu eta bilduma horrekin azterketa egiteko", azaldu du galdakoztarrak.
Santiago Onaindia Bekaren XVIII. edizioa izan da hau; bi urtean behin egiten da. "Onaindiak utzitako ondarearen eragina funtsezkoa izan da Zornotzarentzat euskal literaturaren esparruan leku nabarmen batean kokatzeko", azaldu du Ainhoa Salterain Zornotzako alkateak. Jon Artabe Idazkaritza, Funtzio publiko, Gardentasun eta gobernu oneko zinegotzia eta Euskara, Berdintasun eta Arkalazeko koordinatzaileak eta Igone Etxeberria Labayru fundazioko presidenteak ere parte hartu dute prentsaurrekoan.