Hitzaldiak irailaren 25ean eta 26an izango dira; lehena 10-14 urte bitarteko umeentzako izango da, 18:00etan, bigarrena, ostera, 18:30ean izango da, 14 urtetik gorakoentzako. Hitzaldietan, aldaketa klimatikoaren nazioarteko panela azalduko du Jan-Lukas Menzel ozeanografo zornotzarrak. "Ozeanografiak zeregin garrantzitsua du sistema globalak nola funtzionatzen duen aztertzeko eta ulertzeko", dio ozeanografoak. Menzelek poloetako ikerketa-plataformako bi kanpainatan parte hartu du, Hegoafrikako Agulhas II ontzi izotz-hauslean. Ikerketa kanpaia nola prestatzen den azalduko du, baita bertako egunerokoa nolakoa den, edota sistema globalak nola funtzionantzen duen edota norbanakoaren jardunak nola eragiten duen ere.
Zornotzako Udalak bi hitzaldi antolatu ditu AsteKlima jardunaldietarako
Euskadi AsteKlima ekimenaren laugarren edizioa antolatu du aurten Eusko Jaurlaritzak, Klimaren eta Energiaren Astean; irailaren 22tik urriaren 1era izango da. Zornotzako Udalak bat egin du ekimenarekin, eta bi hitzaldi prestatu ditu Zelaieta Zentroan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!