Zornotzako Udalak berrantolaketa lanak egin ditu Larreako fitness gelan. 38.000 euroko inbertsioa eginda, kirola egiteko materiala eta zortzi makina berri erosi ditu. Indarra lantzeko makinak dira euretako zazpi, eta ariketa kardiobaskularra egitekoa, bestea. Fitness gelako beheko solairuan ipini dituzte kardio makinak, eta goiko solairuan indarra lantzekoak.