Apirilaren 28tik aurrera kardioa lantzeko makinak aretoaren beheko solairuan egongo dira. Goiko pisuan, berriz, muskulazio gela. Bestalde, Zornotzako Udalak bere web orria berritu du. Udalaren zati diren gainerako organoetako orrialdeak bertan integratu dituzte. Horrela, www.amorebieta-etxano.eus atarira sartuta, honako atari hauetara ere sartu ahalko da: www.ametx.eus , www.ametxgazteria.eus eta www.zornotzarrak.eus atarietara.
Bideo-markagailu berria frontoian
Udalak LED teknologia darabilen pantaila erraldoi bat ipini du Zelaieta zentroko frontoian. Pantailak kirol ekitaldiak eskaintzeko, publizitaterako zein bestelako gizarte ekitaldietarako euskarri lez balioko du. Pantailak 4 metroko luzera eta 2,5 metroko altuera ditu.