Zornotzako Udalak amaitu ditu Ogenbarrena eta Gudari kaleetako urbanizatze lanak. Udalak "espaloiak zabaldu, oztopoak kendu eta ibilbideak lautu" ditu "oinezkoen mugikortasuna hobetu eta erraztu" asmoz. Eremu horretan landare eta zuhaitzak ipintzeaz gainera, argiteria eta saneamendu lanak ere egin dituzte. Anartz Gandiaga Hirigintza zinegotziak azpimarratu du eremu biek "hiri kohesioa" dutela orain. Lanek 1.824.000 euroko inbertsioa izan dute.