Kimu mailako txapeltan —2011n jaiotakoak— 24 taldek parte hartuko dute eta 350 bat ume batuko dira.
Txapelketa egun bitan garatuko da: abenduaren 6an eta 8an. Abenduaren 6ko martitzenean 12 talde lehiatuko dira hiru multzotan banatuta. Talde irabazleak egueneko jardunaldian parte hartzeko eskubidea irabaziko du. Hiru talde eskualdekoak dira: Amorebieta, Gertasport eta Ikastxiki. Gainerako taldeak honako hauek dira: Arratia, Aurrera de Vitoria, Derio, Txantrea, Barakaldo, Baskauri, Gernika, Galtzarrieta eta Bermeo. Partiduak 09:00etatik 13:00etara jokatu dira goizetan, eta, 16:00etatik 18:15era, arratsaldetan.
Abenduaren 8an beste 12 talde lehiatuko dira: Athletic, Huesca, Atletico Madril, Alaves, Girondins Bordeaux, Amorebieta, Bartzelona, Osasuna, Real Valladolid, Eibar, Reala eta lehen faseko irabazlea. 09:00etatik 13:00etara kanporaketak jokatuko dituzte; 16:00etan final laurdenak hasiko dira eta finala 18:15ean izango da.
Txoloneko aparkalekua itxita
Nobedade moduan, aurten Txoloneko aparkalekua itxita egongo da. Horregatik, zelaira joateko doako txu-txu tren bat jarriko da. Jauregibarriako aparkalekutik abiatuko da ordutegi honetan: 08:00etatik 10:00etara, eta, 15:00etatik 17:00etara. Herrian zehar geldialdiak egingo ditu Txolonera iritsi arte.
Sarrerak
Sarrerak egun osorako balioko du eta hurrengo prezioak izango ditu. Hilaren 6a doakoa izango da bazkideentzat eta 3 euroko kostua izango du gainerakoentzat. Hilaren 8an, berriz, bazkideek 3 euro ordaindu beharko dute eta gainerakoek 5 euro.
Txapelketan zehar hainbat sari zozkatuko dira, hala nola parte hartzen duten kluben kamisetak, bi lagunentzako bi bazkari Boroa Jatetxean eta otzarak.
ABENDUAK 6 - ORDUTEGIA
ABENDUAK 8 - ORDUTEGIA
