Erakusketa Ivan Benitez argazkilari eta kazetariak Rubayako meatzean (Kongoko Errepublika Demokratikoa) hartutako argazkiek osatzen dute. Argazkiek gailu teknologikoak sortu ahal izateko lehengaien eta Giza Eskubideen urraketen arteko hartu emanak erakusten dituzte. Alboan Gobernuz Kanpoko Erakundeak antolatu du erakusketa. Euren esanetan, Kongoko eta Kolonbiako indarkeria, esaterako, estuki lotuta dago gure kontsumo ohiturekin, urrearekin, adibidez. "Urrea gure mugikorrak fabrikatzeko erabiltzen den materiala da eta aipatu behar da herrialde hauetan, urre ekoizpenaren %80 legez kanpokoa edo arautu gabea dela eta horrek indarkeriaren bideak errazten dituela", adierazi du elkkarteak. Alboan elkarteak "gatazka mineral" bezala izendatzen du urrea. Hori dela eta, Zornotzako Udalak erabiltzen ez diren mugikorrak jasotzeko gunea ipiniko du Zelaieta zentroan.
Gailu teknologikoak sortzeko lehengaien atzean dauden eskubide urraketak, argitara
Zelaieta zentroak Zure mugikorrak ezkutatzen duena erakusketa hartuko du azaroaren 14tik abenduaren 2ra.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!