Zornotzako Udalak zabaldu du Karmen eta Santanatxu jaietako marmitako txapelketan izena emateko epea. Ekitaldia uztailaren 23an egingo da herriko hainbat gunetan. Mahai eta aulki kopurua ahalik eta zehatzen koordinatzeko helburuagaz, kuadrilla bakoitzeko kideak Ametx txartela aurkeztu beharko du izena ematerakoan. Pertsona hori egingo da udalak utzitako materialaren arduradun.
Uztailaren 19an kuadrilla bakoitzak izango duen lekua zozkatuko dute Zelaietako aretoan. Eremu horiek kategoriaka sailkatuko dituzte: talde txikiak (A kategoria), talde handiak (B) eta C taldeak. Udalak azaldu duenez, kuadrilla bakoitzak esleitutako espazioa hartu beharko du ezinbestean, marmitakoaren egunean.
Arauak
Antolakuntzak hegaluzea, mahai-tresnak eta ogia baino ez ditu banatuko txapelketaren egunean. Gainerako elementuak parte hartzaileek eraman beharko dituzte. Mahaiak eta aulkiak, berriz, mapan esleitutako lekuetan emango zaizkie parte hartzaileei: 10:30etatik 13:00etara. Jaso, 13:00etatik 19:320etara jasoko dira. Kuadrillek uneoro bete beharko dituzte antolatzaileen oharrak, batez ere kazolak entregatzeko ordutegiei eta lekuari dagokienez. Kazolaek 25 zentimetroko diametroa izango dute gehienez. Sari banaketa 14:30ak eta 15:00ak bitartean egingo da Zubiondo plazan.