Ez gora, ez behera. Zornotzako Udalak dauden moduan utziko ditu datorren urteari begirako tasak, zergak eta prezio publikoak. Udalbatza osatzen duten alderdi guztiek hartu dute erabakia aho batez. Beraz, honakoa izango da hirugarren urtez jarraian tesak izoztea erabakitzen den aldia. Ondasun Higiezinen gaineko Zergak, ibilgailuen zergak, obren eta eraikuntzen zergak zein uraren, saneamenduaren eta zaborren zergak bere horretan geldituko dira datorren urtean.
Udal iturriek diotenez, udalak "erdigunean" ipini gura ditu herritarrak, besteak beste "inflazioari aurre egin ahal izateko". Andoni Agirrebeitia alkateak berretsi du "emakumeen eta gizonen arteko aukera-berdintasuna bultzatzen" jarraituko dutela, herri "jasangarriago bat" lortzeko bidean, eta "udalerriko jarduera ekonomikoari bultzada" emateko. Udalaren egoera ekonomikoa "ona" da bere esanetan.