Omenaldia atzo egin zuten Zelaieta parkean. Sirena-hotsa aktibatu zuten lehenik eta Zornoza Abesbatzak Guillermo Lazkanoren Guda Zitala interpretatu zuen gero. Ekitaldiaren elementu nagusia Andone Zarandonak egindako eskaintza izan zen. Zarandonak 5 urte zituen gerra zibilak Amorebieta eta Etxano astindu zituenean. Gertakari haiek zuzen-zuzenean bizi izan zituen. Berak eta bere familiak erbestera jo behar izan zuten. Eta, atzo, lore-eskaintza egin zuen Zelaieta parkeko plakaren aurrean.
Bestalde, Andoni Iturbe Zornoza Elkarte Artistiko-Kulturaleko kideak egun haietan izandako gertakariak errepasatu zituen (bonbardaketak, fusilatuak, kalteak), bai gertaeren giza ikuspegitik eta baita Memoria Historikoa berreskuratzearen alde egiten ari diren lanagatik ere. Azkenik, Alaiak abesbatzak Benito Lertxundiren Loretxoa interprestatu zuen.