Zornotzako Udalak Amorebieta-Etxano Bizikletaz 2022 plana atera du lizitaziora. Urriko osoko bilkuran 500.000 euroko aurrekontu-aldaketa onartu zuen plana abiatzeko eta obra aurten bertan lizitatu ahal izateko. Guztira, baina, kopuru handiagoa eskainiko die obrei: 1.139.000 euro. Honako jarduketa hauek egitea aurreikusi dute: "egungo seinaleztapena hobetzea; bizikleta-bideei jarraipena ematea; ingurumen-eremu baketsua sortzea; sarbide-ateen bidez hirigunea perimetriko mugatzea; egungo bidegorriak eta interkonexioak seinaleztatzea; oinezkoentzako eta txirrindularientzako ibilbide partekatuak sortzea; eta espaloiak egokitzea". Obrak hasi eta amaitu bitarteko denbora tartea sei hilabetekoa izango dela esan dute udal iturriek.