Zornotzako Udalak 'Su txikitan' izeneko egitasmoa ipini du martxan. 10 urtetik gorako neska-mutilei zuzendutako egitasmoa da, ipuin kontaketa, kultura eta natura batzen dituena. Lehenengo saioa abenduaren 14an izango da eta Amorebieta futbol taldeko Mikel Zarrabeitiak egingo du ipuin kontaketa. Zarrabeitiak berak idatzitako ipuina kontatuko du Unai Ormaetxearen laguntzarekin. Ekitaldia 19:00ean izango da, Zelaieta zentroan. Su txikitan egitasmoak lau saio izango ditu.