Zornotzako Udaleko kirol arloak jakinarazi du gaurtik aurrera ez dela hitzordua hartu beharko herriko kirol instalazioak erabiltzeko. Jaurlaritzak larrialdi egoera bukatutzat eman eta gero, kiroldegietako edukieraren %100 berreskuratu dute. Hori bai, maskarak derrigorrezkoa izaten jarraituko du. Dena dela, honako neurri hauek indarrean daude: kirol esparru osoan (kanpoan zein barruan) ezingo da ez janaririk ez eta edaririk kontsumitu. Ura izango da salbuespena. Pertsonen arteko distantzia 1,5 metrokoa izango da eta eskuak gel hidroalkoholikoagaz garbitzen jarraitu beharko da.