Oier Ardanza durangarrak Zornotza STn jokatuko du datorren denboraldia

Oier Ardanza Bernaola eskolta durangarrak Zornotzaren koloreak defendatuko ditu datorren denboraldian. Gran Canaria taldearen filialean aritu da azken denboraldian, Zilarrezko Leb mailan. 

Zornotza Saskibaloi Taldeak fitxaketa garrantzitsua egin du Zilarrezko Leb ligaren erronkari ekiteko. Ardanzak taldeari ekarpen handia egingo duela nabarmendu du taldeak. "Bere ibilbideko momentu garrantzitsu batean dago, eta maila exigente batean protagonismoa irabazteko gogoz dago", azaldu dute taldetik. 

Azkeneko denboraldian, Zilarrezko Leb mailan, 5,3 puntuko media eta 3,7ko balorazioa erdietsi zuen. 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.