Zornotzako istiluekin zerikusia duten atxilotuetako bi espetxera bidali ditu epaileak

Zortzi atxilotuetako hiru adin nagusikoak dira, 19 eta 38 urte bitartekoak; horietako bi espetxera bidali ditu epaileak. Durangoko auzitegian deklaratu dute.

Ertzaintzak zortzi lagun atxilotu ditu aste honetan, Zornotzan asteburuan egondako istiluekin lotura dutelakoan; horietako bost adin txikikoak dira. 

Joan den asteburuan, Zornotzan istiluak izan ziren herriko hainbat tokitan. Besteak beste, gazte bat jipoitu zuten jende askoren artean, eta buruan eman zizkioten golpeengatik konortea galduta Gurutzetako (Bizkaia) ospitalera eraman behar izan zuten. Larri jarraitzen du gazteak. 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.