Ikasleak opor sasoian murgilduta daudela aprobetxatuta, Zornotzako Udalak berregokitzapen lan batzuk hasi ditu Larreako eskolan. Zehatz esanda, Eskolaurreko eraikinean egingo ditu hobekuntzak. Aurreikusitako ekintzen artean daude Hezkuntza Bereziko ikasgelak birkokatu eta handitzea, gela bakoitzean berogailu-erradiadore bana ipintzea, leihoak bitan zatitzea, eta armairuen ordez eskegitokiak eta tiraderak ipintzea. Horrez gainera, udalak gaineratu du gela berri horiek orain arte irakasleen gela izan den eremuan kokatuko direla. Horrek armairu berri bat ipintzea eta office-gela bat ipintzea ahalbidetuko duela jakinarazi du. Bestalde, komunetan ere obrak egingo dituzte. Komun egokituan bi komun instalatu eta aldagailu tolesgarri bat ere ipiniko dute.
Larreako Eskolaurreko eraikina berregituratzeko lanak hasi dituzte
Hezkuntza Bereziko ikasgelak birkotatu eta handituko dituzte. Erradiadore bana ipiniko dute gela bakoitzean eta leihoa bitan zatituko dute. Zornotzako Udalak 160.000 euro bideratuko ditu berregokitze lanetara.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!