Ekainaren 28an ospatuko da LGTB Harrotasunaren Nazioarteko Eguna, eta Zornotzako Udaleko Berdintasun Sailak horri begirako kanpaina aurkeztu du gaur: 'Harrotasuna 2021'. Batetik, herriko ostalariei eta dendariei eskatu die ostadar koloreko banderak eta ikurrak komertzioetan ipintzeko. Ikurrak ekainaren 24tik 28ra bitartean ikusgai egotea gura dute. Bestalde, herritarrei eskatu die pertsona guztien identitate, sexu orientazio eta genero eskubideak defendatzeko.
Gainontzean, herriko hainbat txokotan ostadar koloreko ikurrak zabalduko dituzte. Adibidez, Sabino Arana eta Zezilia Galartzagoitia kaleetan, eta Zelaieta Parkean. Izan ere, bertako eserleku batzuk ostadarraren koloreekin margotuko dituzte. Ikur hori bera udaletxeko balkoian ere egongo da ikusgai.