Artista berriei bultzada emateko 'Kilometro 0' programa antolatu dute Zornotzan

'Kilometro 0' programaren helburu nagusia modu erdi-profesional edo profesionalean arte eszenikoen munduan banaka edo kolektibo edo enpresa baten bidez hasten ari diren udalerriko kolektiboak eta pertsonak bertaratzea da. 

Udaleko ordezkariek azaldu dutenez, programa hau "aisia hutsetik haratago doan ekimena da; izan ere, beren lanak udal-espazio batean eta tokiko programa baten babesean aurkezteko kontratazioaren bidez, bultzada bat da artistek beren lehen urratsak eman ditzaten lanbide-munduan; profesionalizaziorantz egindako bide bat edo arte eszenikoen funtzionamendu profesionalera egindako hurreratze bat". 

Aurten lau proposamen programatu dira eta horietarako sarrerak eskuragarri daude dagoeneko Zornotza Aretoaren webgunean: "Ametsen urtebetetzea" (maiatzaren 15ean), "El salto de leucade" (maiatzaren 21ean), "Espazioa Txistua Denbora" (maiatzaren 22an) eta "Arineketan" (ekainaren 5ean).

  

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.