Zornotzako Udalak 'Planetaren Ordua' egitasmoagaz egin du bat, 2007an Sidneyn (Australia) aldaketa klimatikoa ikusarazteko helburuz sortutako egitasmoagaz. Hori dela eta "keinu xume" bat egingo du bihar. Udaletxeko fatxadako eta plazako argiteria amatatuko ditu 20:30etatik 21:30etara. Egitasmoagaz "natura planetaren bizi-euskarriaren sistema dela" gogorarazi du udalak, "inoiz baino gehiago".