Zornotzako Udalak lizitazio publikora atera ditu Larreako Haurreskolan birmoldaketak egiteko lanak. 83.415 euroko diru poltsa ipini du 0 eta 1 urte bitarteko gela bientzat garbitasunerako eta elikagaien prestaketarako gune bana ipintzeko. Moldaketak ekarriko duen beste aldaketetako bat gela nagusian igarriko da. Berau bi zatitan banatuta geldituko da: aktibitateak egiteko gunea sortuko dute batetik, eta atsedenerako toki bat bestetik. Udalaren aurreikuspenen arabera uztail-abuztu bueltan egingo dira lanak, umeen opor sasoian.