14 jardunalditan partidu bakarra galdu dute talde biek. Amorebietaren porrota, hain zuzen, Athleticen kontrako derbian izan zen (2-1), iazko azaroan; beraz, biharko derbiak mendeku kutsua ere izango du. Bestalde, Athletic Bk ez daki galtzea zer den bigarren jardunalditik hona: 0-1, Racing Bren kontra.
Amorebietak partidu bat gutxiago jokatu du, joan zen asteburukoa atzeratu egin zelako Barakaldoko jokalari batek positibo eman eta gero.
Athletic B golik gehien sartu duen taldea da (20) eta multzoko goleatzaile nagusia du: Nico Williams, sei golegaz. Koldo Obietak, Amorebietako goleatzaile nagusiak, hiru bider zulatu du aurkariaren atea orain arte.