Ertzaintzak 40 urteko gizonezko bat atxilotu zuen joan zen eguaztenean Galdakaon, bertako establezimendu batean lapurretan egin ondoren ihesean ari zela. Segurtasun Saileko iturrien arabera, lapurrak hainbat atrakatze egin zituen Zornotzan, Lemoan eta Galdakaon, urtarrilaren 9tik 20ra bitarteko egunetan. Lapurrak revolver itxurako "arma simulatu" bat erabiltzen zuela gaineratu du Ertzaintzak. Lapurrak aurrekari penalak ditu. Zapatuan eraman zuten epailearengana eta kartzelaratzeko agindua eman zuen.