Zornotzako Andra Mari ikastolako HH5eko haurrek sorturiko lanek osatzen dute Ttipia erakusketa. Eider Eibar ilustratzailearen, Ainhoa Ortells margolariaren, Elena Mendizabal eskultorearen eta Eriz Moreno argazkilariaren adierazpide artistikoan oinarritu dira haurrak beraien lanak sortzeko.
"Haurrak sentipenak adierazteko kulturak betetzen duen paperaz ohartu dira egitasmo honen bidez, eta erakargarritasun kulturalaren indarraz jabetu dira baita ere", azaldu dute Loraldia jaialditik.
Urtarrilaren 30era arte egongo da ikusgai erakusketa, Zelaieta zentroan.