Zornotzako enplegu planak laneratzea erraztu die herriko 28 langabeturi

Aldi baterako lanak izan dira, zuzeneko kontratazioekin esleitutakoak. Zornotzako Udalak hiru enplegu plan egin ditu urte honetan. 

Urtea hasi zenetik hona, Zornotzako Udalak aldi baterako lana eskaini die herriko 28 langabeturi. 6 eta 8 hilabeteko iraupena duten kontratuak izan dira, administraritza, peoi eta telburuen lanpostuak betetzeari lotutakoak. Zornotzako Udalak 554.023 euroko diru poltsa bideratu du 2020-2021 urteetan enplegu plana garatzeko. Horren helburua "lanbakoen lan-bilaketa aktiboa sustatzea eta gizarte bazterkeria jasateko arriskuan daudenen laneratzea sustatzea" dela adierazi du. 

Aurten, adibidez, hiru enplegu plan egin ditu udalak. Horietako bi eskualde-planak izan dira, Lanbidek kofinantzatutakoak. Hirugarrena tokikoa izan da, Zornotzako Udalak berak zuzenean finantzatuta.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.