Zornotzako Udalak jakinarazi du dagoeneko zabalik dagoela Gizarte Larrialdietarako Laguntzak eskatzeko epea. Gaurtik abenduaren 11ra arteko epea egongo da eskariak egiteko. Udaleko iturriek azaldu dutenez, "laguntza hauek etxebizitzak sortzen dituen gastuak arintzeko dira, hala nola alokairua, hipoteka-kreditua, hornidura- eta mantentze-gastuak, altzarien, etxetresna elektrikoen eta oinarrizko konponketen gastuak, bai eta Zornotzan erroldatutako pertsonen lehen mailako premien gastuak" estalteko ere.
Eskariak Herritarrentzako Arreta Zerbitzuan egin beharko dira. Horretarako aurretiazko hitzordua eskatu behar da amorebieta-etxano.eus/cita/ web orrialdean edo haz@amorebieta.eus helbide elektronikora mezua bidalita.