Zornotzako Musika Bandaren Arteen Doinuak kontzertu zikloa aurkeztu dute

Aritz Maldonado 2020ko urr. 30a, 13:14
Aritz Labrador eta Luciano Martinez.

Sei kontzertu berezi eskainiko ditu Aritz Labradorrek gidaturiko Bandak, eta diziplina desberdinetako hainbat artista zornotzarrek parte hartuko dute. 

Ikusleengan "sentsazio desberdinak" sortzeko helburuagaz, diziplina anitzeko kontzertu sorta antolatu du Zornotzako Musika Bandak. "Zinema, literatura, dantza, sukaldaritza, pintura eta dantza elkartuko ditugu musikarekin, besteak beste. Gainera, horretarako, Zornotzako hainbat artistek parte hartuko dute", azaldu du Aritz Labrador Bandako zuzendariak. 

Lehenengo emanaldia zapatuan egingo dute, Zornotza Aretoan, 20:15ean. 'Zinemaren doinuak' emanaldian zinearen eta musikaren arteko harremana aletuko dute. Jon Gonzalez bideografoa eta Eider Etxeandia abeslaria izango dira artista gonbidatuak. "XX.mendetik XXI.mendera bitarteko bidaia izango da, eta soinu banda entzutetsuez gozatu ahalko dugu bertan, besteak beste, Star Wars, Harry Potter edota Gladiator pelikuletako soinu bandak joko ditugu".

ARTEEN DOINUAK

ZINEAREN DOINUAK

Urriak 31, 20:15ean, Zornotza Aretoan. 

  • Artista gonbidatuak: Jon Gonzalez bideografoa eta Eider Etxeandia abeslaria.

LITERATURAREN DOINUAK

Abenduak 19-20, 20:15ean, Zornotza Aretoan. 

  • Artista gonbidatuak: Miren Larrea, Patxi Sema eta Unai Aburto narratzaileak.

KOLOREEN DOINUAK

Otsailak 27-28, 20:15ean, Zornotza Aretoan. 

  • Artista gonbidatuak: Mikel Berrojalbiz brotxa pintorea eta Martzel Nascimento spray pintorea.

HERRITARREN DOINUAK

Apirilak 24-25, 20:15ean, Zornotza Aretoan. 

  • Artista gonbidatuak: Blanco y en botella rock talde zornotzarra.

ZAPOREEN DOINUAK

Maiatzak 29, 20:15ean, Zornotza Aretoan. 

  • Artista gonbidatuak: Julen Baz sukaldaria eta Jon Bienzobas-Pagola konpositorea.

DANTZARIEN DOINUAK

Uztailak 24, 20:30ean, Zelaieta parkean (baieztatu barik). 

  • Artista gonbidatuak: Dantzariak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!