Ohe artikulatuak, eskaren aurkako koltxoiak, etxeko garabiak, makuluak, ibiltariak, gurpil-aulkiak edo higiene-aulkiak. Zornotzarrek soberan dituzten objektuak eman ahalko dizkiete beharrizanak dituzten beste herritar batzuei. Aukera hori Zornotzako Udalak eta Laguntza Teknikoen Bankuak hasitako elkarlanetik dator. Izan ere, Laguntza Teknikoen Bankuak bilketa masiboa antolatu du Bizkaian. Urriaren 26an hasi zen eta azaroaren 16an amaituko da kanpaina. Dohaintzan emandako artikuluak mendekotasun-egoeran edo mugitzeko zailtasunak dituzten pertsonei mailegu solidarioak egiteko erabiliko dira.
Laguntza emateko gunea Nafarroa Zentroan dago, goizeko 10:00etatik arratsaldeko 18:00etara bitartean. 94 440 91 16 telefono-zenbakira deituta edo bat@fundacionabueloactual.org helbidera idatzita ere eman daitezke dohaintzak.