Mangamoreren "sare bidezko jarraipenak" aurreikuspen guztiak gainditu ditu udalaren arabera

Kultura japoniarraren jaialdiak osasun larrialdi egoerara egokitu behar izan du hamalaugarren edizio honetarako. Hala ere, Zornotzako Udala pozik agertu da egitarauak izan duen harreragaz. 

Antolatzaileen arabera, 4.301 ikuslek bat egin zuten joan den asteburuan zuzeneko emisioekin; jarduera presentzialetan, ostera, 367 lagunek parte hartu zuten. "Teknologia berriei esker, Mangamore ospatzen ari zela jakinda herria hain hutsik ikustea tristea bazen ere, osasuna eta segurtasuna nagusitu dira; arazo bakar bat ere ez eta sare bidezko jarraipenak aurreikuspen guztiak gainditu ditu", azaldu du Udalak.

Jarduera guztiak ikusgai daude oraindik sare sozialetan. 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.