Zornotzako Udaleko Berdintasun Sailak lau ikastaro antolatu ditu. Izena emateko 94 630 01 90 telefonora deitu edo berdintasuna@amorebieta.eus helbidera idatzi beharko da.
"Nire sexualitatea forman jarriz" tailerra
Emakumeen sexualitateari buruz dauden mito eta tabuei buruzko informazio- eta gogoeta-gune bat eskainiko dute ikastaroan.
- Egunak, ordutegia eta tokia: azaroak 20, 16: 00etatik 20: 00etara; azaroak 21, 10: 00etatik 14: 00etara Zelaieta Zentroan.
Amen taldeko tailerra
Antzerki esperimentazioaren bidez, zapaldutako amatasunari aurre egiteko eta taldeko estrategiak bilatzeko ahalduntze-tresnak eskainiko dituzte.
- Egunak, ordutegia eta tokia: azaroak 5, 12, 19 eta 26. Abenduak 3, 10 eta 17. 17: 30etik 19: 30era Nafarroa Zentroan.
"Zergatik gara feministak?" tailerra (Euskaraz)
Ikastaro honetan mugimendu feministak munduan zehar egindako ibilbidea aztertuko da, galdera zehatz honi erantzuteko: "Zergatik gara feministak?" Galdera horri ikuspegi historiko zein teorikotik erantzungo zaio eta bien arteko loturak bilatuko dira.
- Egunak, ordutegia eta tokia: azaroak 17 eta 24. Abenduaren 1a eta 15a. 18: 00etatik 20: 00etara Nafarroa Zentroan.
Ahalduntzea sexualki esplizituak diren dantzen bidez tailerra
Tailer teoriko-praktikoak egingo dituzte sexualki esplizituak diren dantza batzuekin. Emakumeari identitate sentsual eta sexualenarekin konektatzeko aukera ematea da.
- Egunak, ordutegia eta tokia: azaroak 7, 14, 21 eta 28 eta abenduak 12. 10: 30etik 12: 15era. Zelaieta Zentroan.