Zornotzako Larrea eskolak berrogeialdian ipini ditu bertako hiru ikasgela. ANBOTOk jakin ahal izan duenez, koronabirusagatik positibo eman du Lehen Hezkuntzako lehen zikloan ikasten duen ume batek. Hori jakin eta berehala, berrogeialdian ipini dituzte Lehen Hezkuntzako 1. eta 2. mailako hiru ikasgela. "6 urteko umea daukat. Berrogeialdian dago. Atzo egin zioten PCR proba eta emaitzaren zain gaude. Negatibo emango balu, berrogeialdian jarraituko luke urriaren 5era arte, datorren astelehenera arte", kontatu du berrogeialdia hasi duen umeetako baten gurasoak.