Idazketarako material suntsikorra (koadernoak, informatikako kontsumigarriak, folioak eta halakoak), material suntsiezina (testuliburuak, motxilak, kalkulagailuak, karpetak eta halakoak) eta eskolarako jantziak (uniformea, mantalak eta gorputz-hezkuntzarako oinetekoak) finantzatu ahalko dira diru-laguntzekin.
Urtean 35.000 euro baino gehiagoko errenta duten familiek ezingo dituzte laguntzak eskatu. Lau kide baino gehiagoko familietan, berriz, urteko errenta ezingo da 40.000 eurotik pasa.
Diru-laguntzak eskuratzen dituztenek, erosketak Zornotzako dendetan egin beharko dituzte. Eskariak Herritarrentzako Arreta Zerbitzuan egin behar dira. Eskarietarako epea zabalik dago urriaren 31ra arte.