Zornotzako hainbat gazte Elkartasun Sarearen bueltan koordinatu dira beharrizanik handienak dituzten familiak laguntzeko. Elikagaiz eta higiene produktuz osatutako kaxak banatzen dituzte astero-astero. "Jendeak uste du laguntzen ditugun familiarik gehienak migratzaileak direla, baina hori ez da egia. Denetarik dago. Migratzaileak, lanik barik gelditu direnak eta guraso bakarreko familiak, amaz eta seme-alabez osatutakoak".