Zornotzako Udalaren arabera, bera da aniztasun funtzionalen bat duten herritarren tratamenduak 18 urtera arte diruz lagunduko dituen "bakarra". Diru-laguntza eskatu ahalko dute 6 eta 18 urte bitarteko umeek, Zornotzako udalerrian erroldatuta badaude eta Bizkaiko Foru Aldundiak aitortutako %33ko aniztasun funtzionala edo handiagoa badute.
Suspertze plana, aurrera
Zornotzako Udalak 1.350.000 euroko suspertze plana onartu zuen duela egun batzuk, koronabirusak eragindako kalte sozialei aurre egiteko. Aho batez onartu zuen. Dagoeneko diru-kopuru horren %70 bat esleituta dago. Udaleko iturrien arabera 805.000 euro erabili dira dagoeneko arrisku egoeran dauden herritarrei arreta eskaintzeko. Gainontzekoa hurrengo asteetan esleitzea aurreikusten du udalak.