Jolasguneak zirkuitu bat egiteko aukera eskainiko die umeei. Hareazko bi erloju egongo dira -hasieran eta bukaeran- ibilbide guztia egiteko denbora neurtzeko. Zirkuituan zehar honako jolas hauek instalatuko dituela aurreratu dute udaleko iturriek: "trikimako-bide bat, orekarako habe birakari bat, hiru zuhaitz igokari, zabu oszilatzaile bat, eta honako elementuez osatutako joko-eremu bat: oinarri karratuko plataforma batetara heltzeko sarrerako eskailera, suhiltzaile-barra, rokodromoa, orekak egiteko bi soka dituen hiru zutoinek osatutako arkuari lotutako armiarma-sare bat, oreka-barra sokadun bat, soka-barandak dituen soka-zubia eta tirolina bat".
Zornotzako Udalaren arabera, Larreako jolasgune berriak herrian eskaintzen diren jolas-parkeen eskaintza handituko du. Larreako instalazio hau aurrekontu parte-hartzaileetatik irtendako ideia da. Proiektuak 145.000 euroko aurrekontua du eta lanak ondo badoaz bost hilabate barru amaitzea itxaroten dute.